१२० घण्टे सत्याग्रह न्ह्यात

इलय् हे संविधान निर्माण जुइमाःगु माग सहित लोकतन्त्र व शान्तिया निंतिं नागरिक आन्दोलनं आइतवाः निसें सत्याग्रह न्ह्याकूगु दु । १२० घण्टे ताःहाकःगु सत्याग्रह आइतवाः सुथंनिसें न्हू बानेश्वरय् च्वंगु संविधानसभा भवन न्ह्यने शुरु जूगु खः । न्यय्म्ह स्वयां अप्व नागरिक अगुवात धर्नाय् च्वनाः शुरु जूगु सत्याग्रह चैत ५ गते तक न्याइ । न्यान्हु तक न्याइगु सत्याग्रहय् थीथी जिल्लाया नागरिक समाजया प्रतिनिधितय्सं नं ब्वति काइगु खँ धाःग दु ।