हत्याया विरोधय् माओवादी प्रदर्शन

एनेकपा (माओवादी) भेरी-कर्णाली समितिया सचिवालय दुजः ऋषि गौतमया हत्याया विरोधय् माओवादीया भेरी-कर्णाली राष्ट्रिय मुक्ति मोर्चा स्वनिग: समन्वय समितिं शनिवाः येँय् विरोध प्रदर्शन याःगु दु । माओवादी पोलिटब्यूरो दुजः शक्तिबहादुर बस्नेतया नेतृत्वय् न्ह्याःगु जुलुस माइतीघर मण्डला पाखें त्रिपुरेश्वर, सुन्धारा, न्हू सतक जुयाः रत्नपार्कया शान्तिबाटिकाय् थ्यंकाः कोणसभाय् ह्यूगु खः ।

कोणसभाय् न्ववानादिसें नेता बस्नेतं सरकारं मदुम्ह गौतमया हत्यया बारे छानबीन मयासाः स्थिति भयावह जुइगु ख्याच्वः बियादिल । वय्कलं उगु हत्यायात दुर्घटना जक धयाः माओवादीया थप नेतातय् हत्यया याकेत स्वयाच्वंगु द्वपं नं बियादिल ।