सेनाया अभिव्यक्ति शान्ति सम्झौता विपरित : माओवादी

एकीकृत नेकपा (माओवादीं) लडाकुतय् समूहगत समायोजन नेपाली सेनायात अमान्य जुइ धाःगु खँय् आपक्ति प्वंकूगु दु ।

शनिवाः माओवादी अध्यक्ष पुष्पकमल दाहाल 'प्रचण्ड' निवास न्हू बजारय् च्वंगु पदाधिकारीतय् बैठकं समूहगत प्रवेश अमान्य धाःगु सेनाया अभिव्यक्ति प्रति आपत्ति प्वंकूसें उगु अभिव्यक्ति शान्ति सम्झौता विपरीत जूगु ठहर याःगु दु ।

बैठक लिपाः माओवादी उपाध्यक्ष नारायणकाजी श्रेष्ठ 'प्रकाशं' सेनाया अभिव्यक्ति शान्ति सम्झौता विपरित जूगु कनादिसें सेनायात राजनीतिक सहमितं याइगु निर्णय स्वीकार यायेत इनाप यानादिल ।

प्रधानसेनापति छत्रमानिसंह गुरुङं शुक्रवाः राष्ट्रसंघया राजनीतिक मामिला सम्बन्धी उपमहासचिव बी लिन पास्को नापया खँल्हाबंलाय् लडाकुतय् व्यक्तिगत योग्यतया आधारय् समायोजन यायेफइगु तर सामूहिक समायोजन यायेमफइगु खँ धयादीगु खः ।