त्रिभुवनया झ्वाता तोडफोडया कुतः

सहिद गेटय् मेपिं सहिदपिनि नापनापं तयातःगु मदुम्ह जुजु त्रिभुवनया झवाता तछ्यायेगु लागिं थौं सुथय् छगू पुचं कुतः याःगु दु । जनआन्दोलनय् घाःपाः जूपिं ल्याय्म्हतय्गु उगु पुचलं सहिद गेटय् हाकुगु ध्वाँय् ब्वयेकाः जुजु त्रिभुवनया झवाता तोडफोडया कुतः याःगु खः ।उमिगु थ्व ज्याय् हस्तक्षेप यासें प्रहरीं २५ म्ह पर््रदर्शनकारीतय्त ज्वंगु दु । थौं सुथय् सहिद दिवस हनेगु झवलय् उमिसं अन हाकुगु ध्वाँय् ब्वयेकाः पर््रदर्शन यासें थ्व कुतः याःगु खः । उमिसं सहिदतय् झवाता दुथाय् जुजुया झवाता तयेगु सहिदया अपमान खः धासें उगु झवाता तछ्यायेत्यंगु खः । ज्वंपिं ल्याय्म्हतय्त आः पुलिस क्लबय् तयातःगु दु । उखे प्रधानमन्त्री पुष्पकमल दाहाल 'प्रचण्डं' सहिद दिवसया झवलय् थौं सुथय् लैनचौरय् च्वंगु सहिद प्रतिमास्थल वनाः स्वां द्यछानादिल । येँ मनपाया ग्वसालय् जूगु उगु ज्याझवलय् संविधानसभा अध्यक्ष सुभाष नेम्वाङ्ग नं झाःगु खः । १९९७ सालय् तत्का- लिन राणा शासनया विरोधय् सक्रिय जूपिं धर्मभक्त माथेमा, शुक्रराज शास्त्री, गंगालाल श्रेष्ठ व दशरथ चन्दं शहादत प्राप्त याःगु न्हियात लुमंकाः माघ १६ गते सहिद दिवस हनेगु याना वयाच्वंगु दु । थ्व झवलय् थौं देय्न्यंकं हे थीथी ज्याझवः यानाच्वंगु दु । थौं नेपाली कांग्रेसं थःगु हे पार्टर्ीीयाकुथी सहिद दिवस न्यायेकूगु दु ।