धिताल दक्षिण अफ्रिकाया राजदूत नियुक्त

राष्ट्रपति डा. रामवरण यादवं नेपाःया अन्तरिम संविधान २०६३या धारा-१५० बमोजिम मन्त्रिपरिषद्या सिफारिसय् अरुणप्रसाद धितालयात दक्षिण अफ्रिकाया निंतिं नेपाली राजदूत नियुक्त यानादीगु दु । परराष्ट्र मन्त्रालयया सहसचिव धिताल दक्षिण अफ्रिकाया निंतिं न्हापांम्ह नेपाली राजदूत नियुक्त जुयादीगु खः । नेपाः व दक्षिण अफ्रिकाया दथुइ स्वापू विस्तार यायेत सरकारं छुं ई न्ह्यः जक दक्षिण अफ्रिकाय् दूतावस स्थापना याःगु खः ।