युथफोर्सया नेतायात गोलीं कयेकल
विराटनगर बजार बन्द
येँ (सन्ध्या टाइम्स)/वर्तमान सरकारया नेतृत्व यानाच्वंगु नेकपा (एमाले)या युवा संगठन युथ फोर्सया मोरङ जिल्लाया नायः नापं निम्हेसित म्हमसिउपिं मनूतय्सं गोलीं कयेकाः घाःपाः यानाथकूगु दु ।
उगु घटनाय् ल्हाः दुगु आशंकाय् प्रहरीं २८ म्हेसित ज्वंगु दु। विराटनगर वडा नं. १५ या जनपथ त्वालय् युथ फोर्सया नायः परशुराम वस्नेत व परशु राम राईयात म्हिगः बहनी म्हमसिउपिं मनूतय्सं गोलीं कयेका थकूगु खः ।
उगु घटनाया जिम्मा अन भूमिगत जुयाः सशस्त्र आन्दोलन याना वयाच्वंगु जनतान्त्रिक तराई मुक्ति मोर्चा गोईत पुचलं काःगु दु। घटनायात कयाः युथ फोर्सं दोषीयात कारवाहीया माग यासे थौं बिराटनगर बजार बन्द आह्वान याःगु दु।
बन्द आह्वानकर्तातय्सं ख्याच्वः बिउगुलिं थौं ८ कक्षाया जिल्लास्तरीय परीक्षा तकं स्थगित जूगु दु ।
