मतया भाः ३० प्रतिशत थकायेगु तयारी
न्हिं १२ घण्टा लोडसेडिङ
येँ (सन्ध्या टाइम्स)/नेपाल विद्युत प्राधिकरणं हाकनं थनिंनिसें लोडसेडिङ अप्वयेकूगु दु। आः याकनं हे मतया भाः नं ३० प्रतिशत थकायेत्यंगु दु। प्राधिकरणं गुदँ लिपा थुकथं मतय् ३० प्रतिशत भाः थकायेगु नितिं विद्युत महसुल निर्धारण आयोगय् प्रस्ताव छ्वये धुंकूगु दु। थौंकन्हय् विद्युतया महसुल औसत ६ रुपैयाँ ५५ पैसा प्रतियुनिट खः। भाः थकाये धुनेवं प्रति युनिटया भाः ९ रुपैंयाँ तक थ्यनीगु जूगु दु। प्राधिकरणं २० युनिट तक विद्युत खपत याइपिं गाहाकितय्त धाःसा आः गुलि खः उलिं हे विद्युत बिइगु प्रस्ताव तःगु दु ।
भोटेकोशी जलविद्युत आयोजनाय् प्राविधक खराबी वःगुलिं थनिंनिसें विद्युत प्राधिकरणं न्हिं १२ घौ तक लोडसेडिङ याःगु दु। म्हिगः तक प्राधिकरणं न्हिं ११ घण्टा तक लोडसेडिङ धाःसां नं अघोषित रुपं १२ घण्टा हे लोडसेडिङ याना वयाच्वंगु खः ।
