फोरमपाखें आमहड्तालया घोषणा
येँ (सन्ध्या टाइम्स)/मधेसी जनअधिकार फोरमं सहमति कार्यान्वयन यायेमाःगु माग यानाः निगूगु चरणया आन्दोलन घोषणा याःगु दु। फोरमं चैत्र २६ व २७ गते तराईया दक्वं जिल्लाय् आमहडतालया घोषणा याःगु दु। चैत्र २७ गते प्रधानमन्त्रीया राजीनामा माग यानाः सरकार विरुद्ध हाकुगु ध्वाँय् क्यनेगु, चैत्र ५ गतेनिसें ९ गते तक तराईया दक्वं जिल्लाय् क्षेत्रीय स्तरया विरोध सभा यायेगु, चैत्र २२ व २५ गते तराईया दक्व सदरमुकामय् मसाल जुलुस पिकायेगु, चैत्र १४ गते लाठी जुलुस पिकायेगु, १८ गते मोटरसाइकल व साइकल र्याली पिकायेगु, चैत्र २० गते सदरमुकामय् कोणसभा यायेगु घोषणा याःगु दु ।
अथे हे चैत्र २४ गते तराईया फुक्क जिल्लाय् सुथय् १० बजेनिसें ५ बजेतक जिल्ला प्रशासन घेराउ यायेगु नं घोषणा याःगु दु ।
थुकथं थारुतय्सं नं तराई बहुप्रदेश जुइमाः धकाः माग यानाः वइगु चैत्र १ गते थरुहट-तराई बन्दया घोषणा यानातःगु दु ।
