मिसातय्सं जक न्ह्याकीगु बैंक कचाया उलेज्या
येँ (सन्ध्या टाइम्स)/प्राइम कमर्सियल बैंकया झिंनिगूगु कचाया उलेज्या थौं छगू ज्याझ्वःया दथुइ नेपाल राष्ट्र बैंकया कायम मुकायम गभर्नर कृष्णबहादुर मानन्धरं यानादिल।
व्यापारिक दृष्टिकोणं येँया अतिकं नांजाःगु थनया असं कमलाछि त्वालय् चायेकूगु उगु बैंकया न्हिथंया कारोबार संचालन नेवाः मिसातय्सं जक याइगु खँ बैंकं जानकारी बिउगु दु। बैंकया नियमित कारोबार गुम्ह मिसातय्सं संचालन याइसा उगु कचाया प्रमुखय् नं मिसाम्ह कर्मचारी हे जुइगु नं बैंकं न्ह्यथंगु दु। थुगु कचापाखें नं गाहाकितय् सुविधायात ध्यानय् तयाः सनिलया काउण्टर नं संचालन जुइ ।
