सत्यमोहन जोशीया स्वक्वःगु, ज्याःजंक्व थःगु हे छेँय् क्वचाल

नेपाल भाषाया च्वमि व ना.जाःम्ह संस्कृतिविद् सत्यमोहन जोशीया स्वक्वःगु ज्याः जंक्व म्हिगः वय्कःया हे छेँ बखुं बहालय् सम्पन्न जुल । वय्कलं थःगु स्वक्वःगु ज्याःजंक्व तसकं मयाये धाःसां नं अन स्वः वइपिं मनूत व समाचार काः वइपिं पत्रकारतय् समेत तःधंगु भिड खाःगु खः ।ज्याःजंक्वयात खँय् भासं देवरथारोहण धाइगु खःसां थः द्यः जुइ मयःगु कारणं थ्वयात थम्हं महारथारोहण महोत्सव धयागु खँ भाजु जोशीं अन कनादिल । ज्याःजंक्व याःम्ह मनूयात खतय् तयाः नगर चाःहीकेमाःगु चलन दुसां वय्कलं थःत नगर चाःहीकेगु ज्या धाःसा मयाःगु खः । ज्याःजंक्वया भ्वय् धाःसा थौं थनया अशोक पार्टी यालेसय् जुइत्यंगु दु ।