बिरामी कोइराला थः म्हाय्या छेँय्

नेपाली कांग्रेसया सभापति गिरिजाप्रसाद कोइराला शुक्रवाः थः म्हाय् उपप्रधान नापं परराष्ट्रमन्त्री सुजाता कोइरालाया छेँय् सरे जुयादीगु दु । स्वँया समस्यां बिरामी जुयादीम्ह कोइराला महारजगंजय् च्वंगु थःगु छेँय् नं मण्डिकाटारय् च्वंगु सुजाता कोइरालाया छेँय् सरे जुयादीगु खः ।

कोइरालाया स्वास्थ्य जाँच यानाच्वंपिं डाक्टरतय्सं कोइरालाया अवस्था पिने वःगु हल्ला थें अस्थिर मजूगु व वय्क आराम यायेगु इलय् ठीक जुसां न्यासि वनेगु इलय् भचा समस्या दुगु खँ धाःगु दु । वय्क म्ह मफेवं छुं न्हि न्ह्यः निसें नीप्यघौ हे अक्सिजन बीमाःगु खः ।