छेँ मिं नयाः मां व म्ह्याय्पिं सित
येँ (सन्ध्या टाइम्स)/दोलखाया काहाकुरी गाविस वडा नं. ६ लागाय् छखा छेँ मिं नयाः छगू हे परिवारया स्वम्ह मनू सीगु दु ।
दोलखाया लप्टन त्वाःया सुदिप कार्कीया छेँ वंगु चान्हय् आकाझाकां मिं नयाः कार्कीया २२ दँ दुम्ह कलाः प्रमिला कार्की, स्वदँ दुम्ह म्ह्याय् सुप्रभा कार्की व गुला तिनि दुम्ह मेम्ह म्ह्याय् सीगु खः। म्हिगः बहनी १० बजेनिसें उगु छेँय् मि च्याःगु खःसा मिं नयाः छेँ छखां ध्वस्त जूगु दु ।
प्रहरी व स्थानीय मनूत जानाः लखं छ्वाकाः मि स्याःगु खः। स्वघौ तकया कुतः लिपा चान्हय् १ बजे तिनि मि स्यायेफुगु खः। छेँथुवाः सुदिप कार्की धाःसा येँय् ज्या याइम्ह खः ।
