चालक स्याःगुलिं झापा बन्द
येँ (सन्ध्या टाइम्स)/झापाय् छम्ह बस चालकयात स्याःगु विरोधय् यातायात मजदूरतय्सं थौं झापा जिल्ला बन्द यानाः प्रदर्शन शुरु याःगु दु। मजदूरतय् बन्द ज्याझ्वलं यानाः थौं सुथंनिसें हे अनया जनजीवन प्रभावित जूगु दु ।
भमचा ज्वनाः वनाच्वंगु बसया चालक शेरबहादुर मगरयात दायाः म्हिगः बहनी स्याना बिउगु खः। वयात दाःगुया कारण धाःसा सी मदुनि ।
मजदूरतय्सं यातायात, बजाः, शिक्षण संस्था ठप्प याना बिउगु दु। इमिसं दोषीयात कारवाही यायेमाःगु, पीडित परिवारयात क्षतिपूर्ति बीमाःगु माग यासें थौं सुथंनिसें झापाया थाय्थासय् प्रदर्शन यानाच्वंगु दुसा अन व्यापक रुपं प्रहरी नं परिचालन यानातःगु दु ।
