उपराष्ट्रपति झा हरिद्वारपाखे
येँ (सन्ध्या टाइम्स)/उपराष्ट्रपति परमानन्द झां कन्हसंनिसें भारतया निजी भ्रमणय् झायेत्यंगु दु। वय्कः हरिद्वारया तीर्थयात्राया लागिं उखे झायेत्यंगु खः। तर वय्कलं थःगु भ्रमणया लागिं खर्च माल धकाःसरकारयाके माग याःगु खःसा म्हिगः च्वंगु मन्त्रिपरिषद्या बैठकं वय्कःयात निजी भ्रमणया लागिं खर्च मबीगु धकाः निर्णय याःगु दु ।
अथे खःसां वय्कःया नापं उखे वनीम्ह वय्कःया सुरक्षा गार्डयात माःगु खर्च धाःसा सरकारं ब्यहोरे याना बीगु धकाः नं निर्णय याःगु दु ।
थ्वहे झ्वलय् उपराष्ट्रपति परमानन्द झां थःगु पद निष्त्रि्कय जुयाच्वंगु अवधिया दां नं सरकार समक्ष माग याःगु खँ धाःगु दु। वय्कलं उकिया लागिं खुगू लाख तका दां माग याःगु खँ सूत्रं धाःगु दु ।
उखे वय्कःया शपथ ग्रहण सम्बन्धी मुद्दाय् वहस याःपिं कानून व्यवसायीतय्त नं वय्कलं दां मबिउगु खँ पिहां वःगु दु ।
