प्राइमया झिंनिगूगु शाखा असनय्

येँ (सन्ध्या टाइम्स)/प्राइम कमर्सियल बैंकं थःगु शाखा विस्तार यायेगु झ्वलय् झिंनिगूगु शाखा कथं थनया असं त्वालय् थःगु शाखा चायेकेत्यंगु दु। बैंक थ्वयां न्ह्यः स्वनिगःया लिसें स्वनिगः पिने धरान,जिरी, सिन्धुली, नारायणघाट लगायतया जिल्लाय् थःगु शाखा विस्तार यायेधुंकूगु दु । कन्हय् छगू ज्याझ्वःया दथुइ उगु शाखाया उलेज्या नेपाल राष्ट्र बैंकया कायम मुकायम गभर्नर कृष्णबहादुर मानन्धरं यानादी ।