लिम्बूवानया न्हय्म्ह कार्यकर्तात ज्वन

शिक्षक अपहरणय् संलग्न न्हय्म्ह लिम्बूवानया कार्यकर्तातय्त प्रहरीं काँकडभिट्टां ज्वंगु दु । काँकडभिट्टाय् च्वंगु नर्थप्वाइन्ट माविया शिक्षक कृष्ण कार्कीयात अपहरण यानाः यंकेगु झ्वलय् प्रहरीं उमित ज्वंगु खः ।

बुधवाः बहनी प्रहरीं लिम्बूवानया कार्यकर्तात बुद्धिबहादुर रम्तेल, सुरेन्द्र सुब्बा, वरुण मुखिया, अनिल लिम्बु, देवप्रसाद आचार्य, किस्मत श्रेष्ठ व युवराज शिवाकोटीयात ज्वंगु खः । बा. ४. च. १०८१ नम्बरया गाडीइ तया शिक्षक कार्कीयात अपहरण यानाः यंकेत्यंगु इलय् प्रहरीं धुलाबारीइ उमित ज्वंगु खः । दक्वं अभियुक्तयात अपहरण सम्बन्धी मुद्दा चले याइगु खँ प्रहरीं धाःगु दु ।