यात्रुबाहक बसय् लुटपाट

येँ नं सुर्खेत पाखे वनाच्वंगु छगः यात्रुबाहक बसय् मंगलवाः सुथय् लुटपाट जूगु दु । ना. ३. ख. ४७९२ नेम्बरया यात्रुबाहक बसयात झिम्हया ल्याखय् वःपिं हतियारधारी पुचलं सुर्खेतया देउरालीलय् लुटे याःगु खः ।

सुथय् न्याताः इलय् जूगु लुटपाटय् यात्रुत पाखें लखौं तका लुटे यानायंकूगु खः । लुटेरातय्सं बसय् सवार छम्ह विदेशी नागरिकया पीद्ववं, मोबाइल सेट व भिडियो क्यामरा नं लुटे यानायंकूगु दु । लुटपाट जुइवं प्रहरीं घटनास्थल नापसं सर्च अभियान न्ह्याकूगु दु ।