'तिब्बत विरोधी गतिविधि नियन्त्रण याः'
चिनियाँ अधिकारीतय्सं नेपाःया तातोपनी नाका लगायत क्षेत्रय् तिब्बत विरोधी गतिविधि नियन्त्रण यायेत नेपाःयात इनाप याःगु दु ।
निगू देय्या सरकारी अधिकारीत दथुइ सोमवाः खासाय् जूगु बैठकय् चिनियाँ अधिकारीतय्सं नेपालय् अप्वयाच्वंगु तिब्बत विरोधी गतिविधि प्रति च्यूताः प्वंकूसें थंज्याःगु गतिविधि नियन्त्रणय् कायेत नेपाःया अधिकारीतय्त इनाप याःगु खः । चिनियाँ अधिकारीतय्सं थुगु बिषयलय् सम्वेदनशील जुइत नेपाःयात विशेष इनाप याःगु खःसा बैठकय् नेपाःया अधिकारीतय्सं नेपाःया भूमी छ्यालाः तिब्बत विरोधी गतिविधि जुइमबीगु प्रतिबद्धता प्वंकूगु खः ।
मार्च १० तारिख कुन्खु तिब्बती धार्मिक नेता दलाई लामा निर्वासनय् वंगु न्हि जूगुलिं मार्चय् तातोपानी नाका पाखें आवत जावतय् विशेष कडाई याइगु जूगु दु । दलाई लामा निर्वासनय् वंगु न्हि जखः लाका तिब्बती शरणार्थीतय् प्रदर्शन यायेफइगु सम्भावना दुगुलिं छुं दिं मितेरी पुल नापं बन्द याइगु खँ धाःगु दु ।
