म्हिगः दुरुंच्यांच्यांनिसें पाहांचःर्हे न्ह्यात
येँ (सन्ध्या टाइम्स)/येँया नेवाःतय्सं हनीगु तःजिगु नखः पाहांचःर्हे म्हिगःनिसें शुरु जुल। म्हिगः दुरुंच्यांच्यां धकाः ग्वलया बछलामाई द्यःखःयात येँय् हयाः चाःहीके हःगु खः। थ्व दुरुंच्यांच्यांयात पाहांचःर्हेबलय् नखत्या वा धकाः थः मेपिं केहेँ अजिमापिंत नखत्या ब्वं वःगु खः धाइ। म्हिगः निसें पाहांचःर्हे नखः शुरु जूगु भाःपी। थ्वहे लसताय् ग्वलया पीगं द्यःयाथाय् शुक्रवाः कुन्हु देय्पुजा याइगु जूगु दु। वकुन्हु पीगं द्यःयाथाय् सलंसः मिटर कापः दुगु बेतालिं चिकाः पुजाआजा याइगु खः ।
