संविधान निर्माणया कार्यतालिका हानं हीकेत सहलह
येँ (सन्ध्या टाइम्स)/क्वःछिनातःगु इलय् संविधान जारी याये फइ ला कि मफइ धकाः न्ह्यसःचिं ब्वलनाच्वंगु इलय् वयाच्वंगु इलय् संविधान दयेकेगु ज्याझ्वःया धलः हाकनं हिलेत संविधान सभाया संवैधानिक समितिं मू मू दलया शीर्ष नेतातलिसे सहलह ब्याकूगु दु। थौं सनिलया ३ बजे च्वनीगु संविधानसभाया मुँज्यां ज्या यायेगु धलः झिक्वःखुसी कथं हिलेगु निंतिं सहलह ब्याकूगु खः धकाः धाःगु दु ।
न्हूगु संविधान जेष्ठ १४ गते हे जारी यायेगु ज्याझ्वःयात यथावत तयाः मेमेगु खँय् जक हिउपाः हयेगु कथंया प्रस्तावयात कयाः सहलह ब्याकाः ज्या यायेगु धलः हीकी धाःगु दु। संवैधानिक समितिं वंगु फागुन २१ गते हे संविधानया मस्यौदा तयार यायेमाःगु खःसा आः उकियात ताःहाकः यानाः लछि ई थपे याइ धकाः नं नेतातय्सं धाःगु दु ।
