भाःतं दायाः कलाःम्ह सित
येँ (सन्ध्या टाइम्स)/मिसा अधिकारया निंतिं विश्वन्यकंया मिसातय्सं सः थ्वयेकाः सछिक्वःगु अन्तर्राष्ट्रिय मिसा दिवस हनाच्वंगु इलय् लाक्क हे नेपाःया दाङय् धाःसा भाःतम्हं दायाः छम्ह कलाःम्ह सीगु दु ।
दाङया बेला गाविस वडा नं. ३ या गुरुङाया स्वीच्यादँ दुम्ह भूमिकादेवी सेनयात थःहे भाःत दिपकराज सेनं दाःगुलिं म्हिगः बहनी सीगु खः। पीनिदँ दुम्ह भाःतम्ह दिपकयात इलाका प्रहरी ज्याकुथिं ज्वनेधुंकूगु दु। छगू सामान्य कचवनय् भाःतं दाःगु खः ।
