बुद्ध जयन्ती न्यायेकेत जनजातिलिसे सहलह
येँ (सन्ध्या टाइम्स)/थुगुसीया बुद्ध जयन्ती तःजिक न्यायेकेगु लागिं धर्मोदय सभापाखें थीथी जनजाति संघसंस्थालिसे नं सहलह ब्याकूगु दु ।
धर्मोदय सभाया ज्याकू बुद्ध विहारय् उपाध्यक्ष प्रा. सुवर्ण शाक्यया सभापतित्वय् च्वंगु मुँज्याय् महासचिव सुचित्रमान शाक्यं ज्याझ्वःया बारे जानकारी बियादीगु खः। लिसें सभासद् इन्द्रबहादुर गुरुङ, नेपाः राष्ट्रिय पार्टीया नायः डा.केशवमान शाक्य, लक्ष्मीदास मानन्धरपिंसं बुद्ध जयन्तीयात सकलें जनजाति जानाः न्यायेका वनेमाःगु बारे नुगःखँ प्वंकादीगु खः। अथे हे थीथी जनजाति प्रतिनिधिपिंसं नं बिचाः प्वंकादीगु खः ।
थ्वहे झ्वलय् सभाया प्वनाच्वंगु धम्मानुशासक पदय् न्हूम्ह देथाय्पा आजु मोतिरत्न वज्राचार्ययात बिज्याकाः लसकुस याःगु खः ।
