दलत छप्पँ जुसाः इलय् हे संविधान : नेम्वाङ
संविधानसभाया अध्यक्ष सुवासचन्द्र नेम्वाङं राजनीतिक दलत छप्पँ जुसाः इलय् हे संविधान जारी जुइगु दावी यानादीगु दु ।
सोमवाः पर्वतया सदरमुकाम कुशमाबजारय् सामुदायिक रेडियो दिदीबहिनी ९५.२ मखगाहर्जया उल्लेज्या यानादिसें नेम्वाङं सहमति, सहकार्य व एकता बिना संविधान निर्माण याये मफइगुलिं दलत दथुइ दुगु अविश्वासयात अन्त्य यानाः सहमितलय् वयेमाःगु धयादिल । वय्कलं दलत दथुइ दुगु मतभिन्नतायात चीकेत इनाप यानादिसें दक्वं छप्पँ जसाः इलय् संविधान यायेत सुनां नं पने मफइगु धयादिल ।
वय्कलं संविधान च्वयेगु ज्या निरन्तर जुयाच्वंगु तर दलत दथुइ अविश्वास दुगुलिं दक्वं खँय् सहमतिलय् वयेमफुगु धयादिल । वय्कलं झिंछगू समिति मध्ये निगू समितिलय् जक सहमतिया आधारय् मस्यौदा तयार जूगु धयादिसें संविधानसभा दुनेया गुंगू प्रतिवेदन अझ पास जुइ ल्यं दनीगु धयादिल ।
