स्वयम्भुया जंगल महासमितिया जिम्माय्
येँ (सन्ध्या टाइम्स)/पवित्र धार्मिकस्थल स्वयम्भुया जंगलयात आः धार्मिक वन घोषणा याइगु जूगु दु। लिसें स्वयम्भु लागाया वन जंगल सुरक्षा व संरक्षण यायेगु जिम्मा नं स्वयम्भु व्यवस्थापन तथा संरक्षण महासमितियात बीगु जूगु दु। कन्हय् छगू ज्याझ्वः यासें वनमन्त्री दीपक बोहरां महासमितियात उगु वन हस्तान्तरण याइगु ग्वसाः दु।
स्वयम्भुया थ्व वन लागा मुक्कं ३१.३८ हेक्टर दु ।
महासमितिया महासचिव महेन्द्रानन्द बुद्धाचार्यं कनादी कथं धार्मिक वन जुल कि थुकिया सुरक्षा व संरक्षण न्हापा स्वयां अप्वः जुइ ।
