'सुगत सौरभ' बेलायतं पिदन

येँ (सन्ध्या टाइम्स)/झी कवि चित्तधर 'ह्दय' या लोकंह्वाःगु कृति 'सुगत सौरभ' आः बेलायतया अर्क्सफोर्ड विश्वविद्यालयं पिहां वःगु दु। सुवर्णमान तुलाधर व प्रो. टड लेविस जानाः अंग्रेजीं अनुवाद यानाः तयार याना तःगु थुगु कृति आः अर्क्सफोर्डं पिकाःगु खः। थुकी नेवाः भाय् व अंग्रेजी दुगु छगू व अंग्रेजी जक दुगु छगू सफू पिथनीगु खँ धाःगु दु। अंग्रेजी जक दुगु सफू ४०४ पेज दु। थ्व सफू हार्ड कभर व पेपरब्याक धकाः निगू एडिसन यानाः पिकाःगु खः। 'सुगत सौरभ'या अंग्रेजी अनुवाद नेपालं नं पिहां वयेधुंकूगु दु ।