ख्वपय् बाखं दबूया बाखं मुँज्या
ख्वप (सन्ध्या टाइम्स)/बाखं दबू व याताजःया ग्वसालय् म्हिगः थनया बार एशोसियसन हलय् तःजिक बाखं मुँज्या जुल। बाखं दबूया नायः लक्ष्मण राजवंशीया सभापतित्वय् याताजःया सौरभ शाक्यं लसकुस यासें ज्याझ्वः न्ह्याकादिल। मुँज्याय् बाखंमिपिं राजा शाक्य, त्रिरत्न शाक्य, लोचनतारा तुलाधर, हरिकृष्ण डंगोल, पुष्प�रत्न ताम्राकार 'स्वीटहर्ट', तिलक प्रकाश कायस्थ, समान्त, रितादेवी प्रधान, केदार 'सितु', विजयरत्न असंबरे, नारद वज्राचार्य, रिना तुलाधर, अगिब बनेपाली, भगतदास श्रेष्ठ, बुद्ध नेवाः, मथुरा साय्मिपिंसं थःथःगु बाखं न्ह्यब्वयादिल।
न्यापु बाखं ब्वने क्वचायेवं दथुइ दथुइ बाखंयात कयाः समीक्षा यायेगु ज्या नं जुल। थुकी नवीन चित्रकार, मथुरा साय्मि, शाक्य सुरेन, तेजेश्वर बाबु ग्वंगः आदिपिंसं अन ब्वंगु बाखंया समीक्षा यानादीगु खः ।
दबुली दीपिं ख्वपया हनेबहःपिनिपाखें रत्नगोपाल साँय्जुं नुगःखँ प्वंकादीगु उगु मुँज्याय् बाखं दबूया नायः लक्ष्मण राजवंशीं बाखं दबू आः याकनं पोखरापाखे वनेत्यनागु जानकारी बियादिल ।
इलं मलाःगुलिं थुगु मुँज्याय् दुत वःगु बाखं मध्ये अझ नं ग्वसाः खलःयापिनि बाहेक १२ पु बाखं ब्वंके मफुगु खः ।
