माघ लछिया दुने ७२ गू बन्द !

येँ (सन्ध्या टाइम्स)/२९ न्हि जक दुगु वंगु माघ महिनाय् नेपालय् मुक्कं ७२ गू बन्द जुल खनिं। नेपाल प्रहरीं तयार याना तःगु छगू धलःपाखें थ्व खँ सीदुगु खः। उगु धलः कथं थ्व लछिया दुने देय्न्यंकं थीथी पार्टी व समूहपाखें ९२ गू धर्ना जूगु दुसा ३७ गू तालाबन्दीया ज्याझ्वः जुल। अथे हे ४८ गू चक्काजाम जुलसा विरोध व जुलुस ज्याझ्वः १९२ गू जुल। थ्व धलः स्वयेबलय् झीथाय् न्हिं छगू स्वयां अप्वः बन्द जूगु खनेदु ।