लिम्बुवान राज्यया निगू मिशन
धरान (सन्ध्या टाइम्स)/संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद्या निक्वःगु विस्तारित बैठक वंगु फागुन १६ निसें १८ गते तक संगठनया अध्यक्ष कुमार लिङ्देन 'मिराक' या अध्यक्षताय् जुल ।
बैठकं पूर्वाञ्चलया गुंगू जिल्लायात हे लिम्बुवाद दुने दुथ्याकेगु लागिं अभियान न्ह्याकेगु निर्णय याःगु दु। थुकिया निंतिं झापा, मोरङ व सुनसरी जिल्लाय् 'मिशन जेएमएस' अभियान न्ह्याकेगु व धनकुटा व संखुवासभा जिल्लाय् 'मिशन डीएस' अभियान न्ह्याकेगु धकाः क्वःछिउगु दु। उकिया लागिं टोली खटे यायेगु निर्णय नं बैठकं याःगु दु। थुपिं जिल्लाय् ततःधंगु सभात यानाः लिम्बुवान दुने छाय् गुंगू जिल्ला लायेमाः धकाः ध्वाथुइकेगु खँ परिषदं धाःगु दु ।
