न्यतमरु अजिमाया झिंनिदँ पर्व शुरु

येँ (सन्ध्या टाइम्स)/थनया न्यतमरु अजिमाया झिंनिदँ पर्व थुगुसी न्यायेकीगु जूगु दु। झिंनिदँय् छक्वः बाःछि तक न्यायेकीगु थ्व पर्व म्हिगःनिसें शुरु जूगु खः। म्हिगः झिंनिदँ पर्व शुरु जूगु संकेट कथं अजिमाया द्यःछेँ दुगु न्यतपाःच्वय् द्यःया यःसिं (मूथां) थनेगु ज्या नं जूगु दु। थ्व यःसिं थन कि झिंनिदँया जात्रा शुभारम्भ जूगु सुचं बी ।

म्हिगः फागुन २२ गते शुरु जूगु थ्व पर्व चैत्र ४ गते तक न्ह्याइ। थ्व जात्राया झ्वलय् द्यःप्याखं पिकयाः नगरया थीथी थासय् हुइकीगु नं चलन दु। थ्वहे वइगु एकादशि कुन्हु न्यतपाःच्व द्यःछेँनं सनिलय्पाखे न्यतमरु अजिमाया द्यः गंछिं हे द्यःप्याखं पिकयाः देय् चाःहीगु ज्याझ्वः दु। एकादशि कुन्हु पिहां वइगु द्यःप्याखं छुं न्हि नगरया थीथी थासय् यंकाः चाःहीकी ।

लुमंकेबहः जू, येँया नरदेवी लागाया आराध्यदेवीया रुपय् न्यतमरु अजिमा (श्वेतकाली माइ) यात कायेगु याः ।