'शान्ति प्रकृया पूमवं तल्ले अनमिन आवश्यक'

एकीकृत नेकपा (माओवादी)या उपाध्यक्ष डा. बाबुराम भट्टराईं शान्ति प्रकृया पूमवं तल्ले नेपाः स्थित राष्ट्रसंघीय मिसन अनमिनया उपस्थिति आवश्यक जूगु खँ धयादीगु दु ।

आइतवाः सुथय् शान्तिनगरय् च्वंगु थःगु हे छेँय् अनमिन प्रमुख करिन लेनग्रेननाप खँल्हाबंला यानादिसें वय्कलं सेना समायोजन व संविधान निर्माणयात नाप नापं यंकेमाःगु धयादिल । अनमिन प्रमुख लेनग्रेनं शान्ति प्रकृया अन्यौलय् लाःगु धयादिसें माओवादी लगायत सम्बन्धित पक्षया भूमिका बारे च्यूता प्वंकादीगु खः ।

छुं ई न्ह्यः निसें सरकारं अनमिनया भूमिकाया बारे न्ह्यसः थनाच्वंगु खःसा माओवादी नेतातय्सं सरकारं भारतया इशाराय् अनमिनया विरोध यानाच्वंगु द्वपं बियादीगु खः ।