जनतया चाहना पूवंकेत सरकार प्रतिबद्ध : प्रम
प्रधानमन्त्री माधवकुमार नेपालं वर्तमान सरकार राष्ट्रिय दायित्व व जनताया चाहना पूवंकेत प्रतिवद्ध दुगु खँ धयादीगु दु ।
महिला महोत्सव २०६६या शनिवाः येँय् उल्लेज्य यानादिसें प्रधानमन्त्री नेपालं माओवादीयात संविधान निर्माण, सेना समायोजन व शान्ति प्रकृयाय् ग्वाहालि यायेत इनाप यानादिल । नापं वय्कलं देशय् शान्ति सुरक्षाया अवस्था सुदृढ यानाः अपराधीतय्त कारवाही यायेत सरकार दृढ जूगु धयादिल ।
वय्कलं संविधानसभाय् मिसातय् एकतिहाई प्रतिनिधित्व दइगु धइगु उपलब्धी जूगु धयादिसें राज्यया दक्वं तह व राजनीतिक दलय् नं एक तिहाई मिसातय् प्रतिनिधित्व दयेमाःगु धयादिल ।
ज्याझ्वलय् रक्षामन्त्री विद्यादेवी भण्डारी, गृहराज्य मन्त्री रिजवान अन्सारी, युवा व खलेकुद सहायक मन्त्री चन्दा चौधरी लगायतं मिजं व मिसा दथुइ विभेद कम यायेत थप रचनात्मक व जनचेतना अभिवृद्धि यायेगु कथंया ज्याझ्वःया ग्वसाःग्वय् माःगु धयादिल ।
महिला दिवसया लसताय् अखिल नेपाल महिला संघं ग्वसाःग्वःगु महोत्सवय् मिसा उद्यमीतय्सं दयेकूगु हस्तकला, घरेलु सामान आदि मिगू व प्रर्दशनीलय् तयातःगु दु ।
