'माओवादीया नागरिक सर्वोच्चता सत्ता प्राप्ति जक'
नेपाली कांग्रेसया उपसभापति गोपालमान श्रेष्ठं माओवादीया नागरिक सर्वोच्चता सत्ता प्राप्ति जक जूगु खँ धयादीगु दु । वय्कलं माओवादीं झिंनिगू बुँदे सहमति कार्यान्वयन मयागुलिं संविधान निर्माण यायेत लिबागु द्वपं नं बियादिल । नापं वय्कलं सहमति अनुसार ज्या याःसा इलय् हे संविधान जारी जुइगु धयादिल ।
स्याङजा बयरघारीया आँधिखोलाय् पुलया उल्लेज्या यानादिसें नेता श्रेष्ठं संविधान जारी याये न्ह्यः शान्ति प्रकृयायात तार्किक निष्कर्षय् थ्यंकेमाःगु धयादिसें उकीया निंतिं लडाकु व्यवस्थापन निसें वाईसिएलया अर्थसैनिक संरचना विघटन जुइमाःगु धयादिल । माओवादीं वाईसीएलया नांमय् ख्यायेगु जक मखसें झिंगुद्वं लडाकुतय् नांमय् करोडौं दां दुरुपयोग यानाच्वंगु द्वपं नं बियादिल ।
बयरघारी निसें खिलुङ तक स्वाइगु पुल न्यागू करोड न्हय्च्यागू लखया लागतय् निर्माण जुइत्यंगु खः ।
