नेवाः समाज हंगकंगया साधारणसभा जुइगु
येँ (सन्ध्या टाइम्स)/हंगकंगय् च्वनाच्वंपिं नेवाःतय्सं स्वनातःगु नेवाः समाज हंगकंया साधारणसभा जुइगु जूगु दु। चिनियाँ न्हूदँया झ्वलय् तुं उगु साधारणसभा नं यायेत्यंगु खः। थ्वहे वइगु चिल्लागा ७ (मार्चा ७ कुन्हु) अनया जोर्डन धाःगु थासय् च्वंगु कंगन रेष्टुरेन्टय् उगु ज्याझ्वः जुइगु खँ धाःगु दु। उकिया मूपाहां जुयाः समाजया संस्थापक सल्लाहकार अनाररत्न वज्राचार्य उखे झायेत्यंगु दु। थुगु समाजं हंगकंगय् न्हूदँ न्यायेकेगु नापं म्हपुजा याना वयाच्वंगु दु ।
