संविधानया मस्यौदा मवल
येँ (सन्ध्या टाइम्स)/संविधानसभां थौं तकया दुने न्हूगु संविधानया मस्यौदा तयार यायेगु धकाः कार्यतालिका दयेका तःगु खःसां थौं संविधानया मस्यौदा धाःसा मवइगु जूगु दु। संविधानसभाया विषयगत झिंछगू समितिपाखें तयार याःगु प्रतिवेदनयात कयाः संविधानसभाय् सहलह जुइधुंकूगु दुसा आः उगु मस्यौदायात अध्ययन यायेगु निंतिं गठन यानातःगु अध्ययन समितिपाखें माःगु ज्या याये मफुगुलिं संवैधानिक समितिया तकं ज्या मदयाच्वंगु दु। आः उगु मस्यौदा गबलय् तकया दुने तयार जुइ धकाः तकं सभासद् व राजनीतिक दलतय्सं धाये फयाच्वंगु मदुनि ।
मस्यौदा तयार जुइ धुंकाः उकियात जनताया दथुइ यंकाः सुझाव कायेमाःगु व्यवस्था दु। तर थौं तयार जुइमाःगु संविधानया मस्यौदा हे तयार मजूगु कारणं जेष्ठ १४ गते न्हूगु संविधान मवइगु निश्चित जूगु खँ धाःगु दु ।
