थारूतय् घेराउ स्थगित
येँ (सन्ध्या टाइम्स)/मधेस बहुप्रदेश जुइमाःगु नापं थारुहट स्वायत्त प्रदेश दयेमाःगु माग यासें आन्दोलन न्ह्याकूपिं थारूतय्सं थौं संविधानसभा घेराउ ज्याझ्वः तयातःगु खःसा थौं संविधानया मस्यौदा मवइगु जूगुलिं उगु ज्याझ्वः स्थगित याःगु दु। मेमेगु ज्याझ्वः धाःसा जारी जुइ धाःगु दु। थारूतय्सं म्हिगः थरूहट-तराई लागाया फुक्क जिल्ला प्रशासन मार्फत संविधानसभायात फुक्क मधेस छगू प्रदेश याये दइ मखु, तराई बहुप्रदेश जुइमाः धकाः माग यासें खबरदारी पौ छ्वःगु खः ।
आन्दोलनकारी थारूतय्सं थौं हे फुक्क जिल्लाय् मंकाः कथं विरोध सभा यायेगु नापं फागुन २९ गते देय्न्यंकं मशाल जुलुस प्रदर्शन यायेगु व चैत्र १ गते थरूहट-तराई बन्द यायेगु घोषणा यानातःगु खः ।
