एनबी बैंक झण्डै लुटे जुइत्यंगु

येँ (सन्ध्या टाइम्स)/राजधानीइ लगातार जुयाच्वंगु लुटपाटया झ्वलय् म्हिगः येँया काठमाडौं प्लाजा स्थित एनबी बैंकय् नं झण्डै लुटपाट जुइत्यन। न्हिनय्पाखे आकाझाकां बैंकयात प्रहरी वयाः घेरे यायेवं उगु लागाय् छगू कथं आतंक हे ब्वलंगु खः। बैंक सूत्रं धाः कथं न्हिनय्पाखे बैंक लुटे याइन धइगु जानकारी वयेवं प्रहरीयात जानकारी बिउगु खःसा तुरुन्त प्रहरी वयाः बैंकया भवन घेरे याःगु खः। प्रहरीं भवन घेरे यायेवं तिनि बैंकय् वयाच्वंपिं मनूत व स्थानीय मनूतय्सं बैंक लुटे यायेगु कुतः जूगु खँ सीकूगु खः। तर बैंकयात सुनां गुकथं बैंक लुटे याइन धइगु खँया जानकारी बिउगु खः धइगु खँ धाःसा सीमदुनि ।