१९ वडावासीतपाखें खानेपानी घेराउ

येँ (सन्ध्या टाइम्स)/येँ महानगरपालिका वडा नं. १९ या स्थानीय मनूतय्सं थौं खानेपानीया क्षेत्रपाटी ज्याकुथी घेराउ यात। तःन्हु न्ह्यवंनिसें हितिइ छफुति हे लः मवःगुलिं लः छ्वयाहयेमाल धकाः माग यासें स्थानीय मनूतय्सं अन धर्ना बिउगु खः। लः मवयाः पीडित जुयाच्वंपिं स्थानीय मनूत छेँखां छम्ह छम्ह वयाः खानेपानी ज्याकुथी घेराउ याःगु खः। १९ वडाय् न्हापा न्यान्हु खुन्हुइ छकः जूसां लः वयाच्वंगु खःसा वंगु निवाः न्ह्यवंनिसें छफुति हे लः मवःगुलिं आक्रोशित जूपिं स्थानीय मनूतय्सं उगु घेराउ याःगु दु ।