प्रहरी संगठन दुने हे समस्या : प्रधानमन्त्री

प्रधानमन्त्री माधवकुमार नेपालं प्रहरीं संगठन दुने हे समस्या दुगुलिं शान्ति सुरक्षाया अवस्था स्यनावनाच्वंगु खँ धयादीगु दु ।

स्वक्व:गु नेपाल फर्मा एक्स्पो २०१०या शुक्रवाः येँय् उल्लेज्या यानादिसें वय्कलं नेपाःया प्रहरीं देय् व विदेशय् ख्याति कमे यायेत सफल जुसां थःगु हे देशय् शान्ति सुरक्षा कायम यायेत इमान्दार जुइमाःगु खँय् बः बियादिल । वयेकलं अपराधय् संल्गन पुचतय्त थीथी दलतय्सं संरक्षण यानातःगु धयादिसें अपराधयात संरक्षण यायेगु ज्या मयायेत दक्वसितं इनाप यानादिल । नापं वय्कलं अपराधीयात संरक्षण याइगु राजनीतिक दल कालान्तरय् थः हे सखाप जुइगु नं धयादिल ।

ज्याझ्वलय् वय्कलं न्ह्यावलें प्रधानमन्त्रीया पदय् च्वनेमाःगु मान्यता थःगु मदुगु धयादिसें फुसाः बांलाक चले यायेगु मफुसाः थः पद त्वतेत तयार जूगु धयादिल ।