'थाय्भु' हानं पिहांवइगु

येँ (सन्ध्या टाइम्स)/नेपाल प्रज्ञा प्रतिष्ठानपाखें पिहां वयाच्वंगु नेपालभाषाया साहित्यिक पौ 'थाय्भु' हानं पिहां वइगु जूगु दु। प्रतिष्ठानया पुलांगु समितिं थुकिया प्रकाशन शुरु याःगु खःसां दथुइ प्रतिष्ठान भंग जुइवं थुकिया प्रकाशन नं दिनाच्वंगु खः। आः न्हू गठन याःगु समितिपाखें प्राज्ञ सुलोचना मानन्धरया संयोजकत्वय् थुकिया पुनर्प्रकाशन यायेत्यंगु खः। म्हिगः मय्जु मानन्धरया सभापतित्वय् च्वंगु 'थाय्भु'या संपादक मण्डलया बैठकं थुकियात पुनः पिकायेगु निर्णय याःगु खः। उकिया लागिं तयारी यायेगु खँ धाःगु दु ।