एमालेया अभियान न्ह्यात
येँ (सन्ध्या टाइम्स)/शान्ति व न्हूगु संविधान, राष्ट्रिय एकताया नितिं एमालेया अभियान धकाः नेकपा (एमाले) पाखें थनिनिसें स्वलाया अभियान न्ह्याकूगु दु ।
एमालेया उपाध्यक्ष वामदेव गौतमया नेतृत्वय् दुगु उगु अभियानपाखें इलय् हे संविधान निर्माणया निंतिं हस्ताक्षर मुंकेगु, पदयात्रा यायेगु, अन्तर्क्रिया यायेगु नापं थीथी कथंया ज्याझ्वः यायेगु याइ धाःगु दु ।
एमालेया लिपांगु इलय् च्वंगु केन्द्रीय कमिटीया मुँज्यां उगु अभियान न्ह्याकेगु नितिं ७७ म्हेसिया छगू पुचः दयेकूगु खः। अभियान अन्तर्गत थीथी थासय् चेतना सभा नं यायेगु जुइ धाःगु दु ।
