डिजेल व पेट्रोलया भाः हाकनं थकाइगु
चिया भाः निदुगं थ्यनीगु
येँ (सन्ध्या टाइम्स)/वर्तमान सरकारं हाकनं पेट्रोल व डिजेलय् भाः हाकनं थकायेगु तयारी याःगु दु। भारतय् सिबें नेपालय् भाः दंगु कारणं थुखेया पेट्रोलियम पदार्थ उखे वनी धकाः भाः थकायेमाःगु खः धासें नेपाल आयल निगमं वाणिज्य तथा आपूर्ति मन्त्रालयय् प्रस्ताव छ्वये धुंकूगु दु।
भारतय् सिबें नेपालय् छगू लिटर पेट्रोलय् ३ तका झिगः ध्यबा अले डिजेलय् २ तका ६० ध्यबा दंगुलिं भाः थकायेत्यंगु खः ।
अथे हे भारतय् चिया भाः निदुगं थकायेत्यंगु कारणं नेपालय् नं चिया भाः थहां वनीगु खँ धाःगु दु ।
नेपाःया निंतिं चि हइगु छगू जक देय् भारत खःसा आः याकनं हे भारतय् चिया भाः थकायेत्यंगु खःसां नेपालय् खुला तकया निंतिं गाक्क चि दुगुलिं खुला लिपा जक भाः थहां वनेफुगु खँ नं धाःगु दु ।
