पशुपतिइ ला व बली प्रथा बन्द
येँ (सन्ध्या टाइम्स)/पशुपति लागा दुने ला व व सम्बन्धि छुं नं परिकार नापं पशु बली बीगुली नं प्रतिबन्ध तःगु दु ।
पशुपति विकास कोषं थः मातहतया ज्याकुथी ला व लाजन्य ज्वलनय् प्रतिबन्ध तःगु खँ छगू विज्ञप्ती मार्फत बिउगु दु।
गुलिखे जात्रा पर्वया इलय् परम्परागत रुपं म्येय्, दुगु, खा, हँय् बली बीगु चलन दुगु खःसा अः वयां अज्याःगु ज्याय् प्रतिबन्ध तयागु जानकारी अमालकोट कचहरीयात नं कोषं बिउगु दु ।
कोषं पिथंगु विज्ञप्तीं अमालकोट कचहरी अन्यौलय् लाःगु न्ह्यथंगु दु। अमालकोटय् च्वंगु तलेजुइ परम्परागत रुपं हे बली बीमाःगु चलन दुगु अथे हे मेमेगु जात्रा पर्वया इलय् नं बीगु बली नं अमालकोटयात प्रसादया रुपय् गुथियारतसें कायेगु याना वयाच्वंगुलिं कोषया थुगु निर्णयं अन्यौलय् लाःगु खँ धाःगु दु। लिसें न्हापांनिसें वयाच्वंगु प्रचलनयात पनेगु वा निरन्तरता बीगु धइगु अन्यौलय् लायेवं गुथियारत वयाः अमालकोटय् न्यं वयाच्वंगु नं धाःगु दु ।
