राष्ट्रब्यापी वर्कर्स कप शुरु
ख्वप (सन्ध्या टाइम्स)/न्हय्क्वःगु राष्ट्रब्यापी वर्कर्स कप भलिबल कासा म्हिगःनिसें थनया शहीद स्मृति खेल मैदानय् न्ह्यात। कासाया उलेज्या नेमकिपाया केन्द्रीय सदस्य व विदेश विभाग प्रमुख प्रेम सुवालं यानादीगु खः। कासाय् न्हय्गू राष्ट्रिय टीमं ब्वति कयाच्वंगु दु। फागुन २३ गते तक जुइगु उगु कासाया उलेज्या समारोहय् ख्वपया प्रमुख जिल्ला अधिकारी दिपकराज नेपाल व नेपाल भलिबल संघया महासचिव वीरेन्द्र खड्कापिंसं भिन्तुना देछानादीगु खः।
कासाय् राष्ट्रिय रेफ्री श्यामकृष्ण खत्रीं रेफ्री शपथ नकादीगु खःसा कासामितय्पाखें अन्तर्राष्ट्रिय खेलाडी नेपाली क्याप्टेन भरत शाहं शपथ नयादीगु खः। ज्याझ्वः प्रतियोगिता मूल आयोजक समितिया अध्यक्ष रविन्द्र खर्बुजाया सभापतित्वय् जूगु खः ।
