ग्रामीण अर्थतन्त्रयात विकास

नेपाल राष्ट बैंकया गभर्नर दीपेन्द्रबहादुर क्षेत्रीं ग्रामीण अर्थतन्त्रयात विकास यानाः सरकारया आर्थिक लक्ष्य पूवंकेमाःगु धयादीगु दु । कृषि विकास बैंकया पीनिक्वःगु दँ मुँज्याया लसताय् न्वंवानादिसें गभर्नर क्षेत्रीं परिवर्तित परिस्थीइ देय्या समग्र अर्थतन्त्रयात ग्रामीण क्षेत्रय् यंकेमाःगु धयादीगु दु ।

सरकारं निगू ल्याःया आर्थिक बृद्धियात मुख्य लक्ष्य दयेकाःगु न्ह्यथनादिसें वय्कलं फुक्क कर्मचारीतय्त थःगु कर्तव्यय् वनेत इनाप यानादीगु दु । बैङ्कीङ्ग व वित्तिय क्षेत्रयात विकास यायेत राष्ट्र बैंकं फक्व ग्वाहालि यायेगु न्ह्यथनादिसें गभर्नर क्षेत्रीं देय्या राजनीतिक हिउपाः लिसलिसे आर्थिक हिउपाः नं यायेमाःगु खँ कुलादीगु दु । उगु हे झ्वलय् कृषि विकास बैंकया नायः बामदेव क्षेत्रीं धेधेंबल्लाःया बजारय् ग्रामीण विकास यायेगु बैंकया मुख्य हाथ्या जूगु धयादीगु दु ।