'लडाकुया पुन: प्रमाणिकरण आवश्यक'
रक्षामन्त्री विद्यादेवी भण्डारीं माओवादी लडाकुया पुन प्रमाणिकरण हानं यायेमाःगु खँ धयादीगु दु ।
बिहीवाः ख्वपय् जूगु छगू ज्याझ्वलय् न्ववनादिसें मन्त्री भण्डारीं यक्व लडाकुतय्सं शिविर त्वते धुंकूगुलिं आः वस्तविक लडाकुया ल्याः सीकेत हानं प्रमाणिकरण यायेमाःगु धयादिल । वय्कलं लडाकुयात सरकारं बजेट बियाः भरणपोषण यायेमाःगुलिं वास्तविक ल्याः आवश्यक जूगु धयादिल । माओवादीं शिविरय् मदुपिं लडाकुया ल्याः क्यनाः सरकारी बजेटया दुरुपयोग यानाच्वंगु द्वपं नं रक्षामन्त्रीं बियादिल ।
अनमिनया ग्वाहालिइ माओवादीं लडाकुया ल्याः अप्वयेकूगु धयादिसें वय्कलं ल्वाभः व लडाकुया ल्याः स्वयेगु खःसा अझ नं शिविरय् अयोग्य लडाकुत दुगु दावी यानादिल । शान्ति सम्झौता प्रति माओवादी नेतातय्सं हानं लडाकुतय्त प्रशिक्षण ब्यूगुलिं लडाकुत अझ नं सरकारया नियन्त्रणय् मवनीगु धयादिल ।
