प्रधानमन्त्री व ल्यानग्रेन दथुइ खँल्हाबंला

सरकार व नेपाः स्थित राष्ट्रसंघीय मिसन अनमिन दथुइ स्वापू स्यनाच्वंगु इलय् बिहीवाः प्रधानमन्त्री माधवकुमार नेपाल व अनमिन प्रमुख दथुइ खल्हाबंला जूगु दु ।

खँल्हाबंलाय् प्रधानमन्त्री नेपालं माओवादी लडाकुया तथ्यांक उपलब्ध यायेत ल्यानग्रेनयात इनाप यानादीगु खः । वय्कलं लडाकुया निंतिं जारी याःगु परिचयपत्र पुलां जूगु व फोटो म्हसिकेमफुगु अवस्थाय् दुगुलिं न्हूगु तथ्यांक उपलब्ध याकेत इनाप यानादीगु खः ।

अनमिन प्रमुख ल्यानग्रेनं तथ्यांक उपलब्ध याकेगु बारे सकारात्मक लिसः बियादीगु खः । थ्वस्वां न्ह्यः सरकारं तथ्यांक फ्वंगु इलय् अनमिनं बृहत शान्ति सम्झौता अनुरुप लडाकु सम्बन्धी गोप्य सुचं सरकारयात बीमदुगु खँ धा:गु खः ।