संवैधानिक समितिया बैठक
न्हूगु संविधान निर्माणया मुख्य जिम्मा दुगु संविधानसभा संबैधानिक समितिं थौं विज्ञतलिसे सुझाव काःगु दु । समितिं
थौं न्यायाधिस तथा राजीतिक विश्लेषकतलिसे सुझाव काःगु खः । समितियात सुझाव बिइगु झ्वलय् विज्ञतय्सं मुलुकय् संघीय राज्यया पलिस्थाया विकल्प मदुगु धयादीगु दु ।
संविधान निर्माणया झ्वलय् संघीयताबारे स्पष्ट धारणा दयकेत आवश्यक जूगुिलं विज्ञतय्सं बह ब्यूगु समितिया दुजः जयपुरी घर्तीमगरं जानकारी बियादीगु खः ।
समितिया दुजःतय्सं न्हूगु संविधानय् कःघायेमाःगु विषयबारे न्यायाधीश तथा राजीतिक विश्लेषकतलिसे सुझाव कयादीगु खः थौं समितिं सर्वोच्च अदालतया न्यायाधीसत अनुपराज शर्मा व कल्याण श्रेष्ठ तथा राजनीतिशास्त्री डाक्टर लोकराज बराल व प्राध्यापक कृष्ण खनाललिसे सुझाव कयादीगु खः ।
थ्वहे झ्वलय् थौं हे संविधानसभा न्यायप्रणाली समितिया बैठक च्वंगु दु । संसद् सचिवालय िसंहदरबारय् च्वंगु बैठकय् न्यायप्रणाली न्यायाधीसतय्गु क्षेत्राधिकार व कर्तव्यया विषयसं सहलह जूगु दु ।
