दलित वस्तीइ धिके कै
वासः मदयाः छम्ह मचा सित
येँ (सन्ध्या टाइम्स)/बाजुराया कैलाशमाण्डौ गाविसया खिरपाट लागाय् लाःगु छगू मुक्कं दलितबस्ती हे धिके कै (दादुर) या प्रकोपं ग्रस्त जूगु दु। वासः याये मखनाः च्यादँ दुम्ह दिलबहादुर नेपाली सीधुंकूगु दु। सदरमुकाम मार्तडापाखें छन्हु न्यासि वनेमाःगु उगु लागाय् धिके कैपाखें फुक्क हे मस्त विरामी जुयाच्वंगु दु। तर अन आः तक नं स्वास्थकर्मी व वासः धाःसा थ्यंके फयाच्वंगु मदुनि।
धिके कैया कारणं अनया मन्टेश्वरी स्कूल नं ठप्प जूगु दु। प्रकोपया खबर वयेवं थौं सुथय् तिनि जिल्ला अस्पतालया छगू स्वास्थ्य पुचः उखे वंगु दु ।
