लच्छि लिपा संविधानसभा
येँ (सन्ध्या टाइम्स)/थ्वहे वइगु जेष्ठ १४ गते तकया दुने न्हूगु संविधान दयेकेगु तयारी यानाच्वंगु संविधानसभाया बैठक लछि लिपा वयाः थौं बल्ल च्वनेत्यंगु दु। थौं सनिलया ३ बजे उगु बैठक च्वनीगु ग्वसाः दु। थ्व स्वयां न्ह्यः माघया निगूगु वालय् संविधानसभाया बैठक च्वंगु खः। अनं लिपा संविधानसभाया मुँज्या स्थगित जुयाच्वंगु खः ।
थौंया बैठकय् संविधानसभा मस्यौदा अध्ययन समितियात संवैधानिक निकाय स्वरुप निर्धारण समितिया मस्यौदा न्ह्यब्वइगु खः धाःगु दु ।
उगु अध्ययन समितिं थ्व सिबें न्ह्यः छगू समितिया मस्यौदायात न्ह्यब्वये धुंकूगु दुसा आः गुंगू समितिया मस्यौदा न्ह्यब्वये ल्यं दनि। अथे झिंछगुलिं हे समितिया मस्यौदाय् छलफल यानाः जक संवैधानिक समितिं संविधानया मस्यौदा वइगु २१ गते तकया दुने तयार यायेमाःगु खः। तर आः २१ गते तकया दुने थ्व ज्या यायेगु सम्भावना धाःसा मदयेधुंकूगु दु ।
संवैधानिक समितिया ज्या मदयाः अनिश्चितकालया निंतिं बैठक हे स्थगित यानातःगु खः ।
