हडताल लित काःसां ग्याँस न्यायेगु मदुनि

येँ (सन्ध्या टाइम्स)/थनिंनिसें जा थुइगु ग्याँस मीगु खुला याःगु दु। एलपी ग्याँस उद्योग संघ व ग्याँस बिक्रेता महासंघं म्हिगः आयल निगमलिसे जूगु वार्ता लिपा आन्दोलन लित कयाः ग्याँस मीगु ज्या शुरु याःगु खः। निगमं व्यवसायीतय्त निश्चित कोटा पूवंका बीगु बचं लिउगु खः। उखे थनिंनिसें ग्याँस मीगु शुरु याःसां बजारय् ग्याँस धाःसा अझ नं न्यायेगु मदुनि। ग्याँसया सुचारु आपूर्ति यायेत मेगु छवाः ति माली तिनि धाःगु दु ।